Нархлар ошди, ойлик ошмади

15 июлдан табиий газ, иссиқлик ва электр нархлари қимматлайди. 21 июлдан эса сув нархлари кўтарилади.

Ўзбекистон молия вазирлиги реестрига кўра, нархлар етти фоизга оширилди.

Реестрга кўра, мижозларнинг икки ёки ундан ортиқ газ ўчоғи ва сув иситиш ускуналари учун ҳаражат нормаси муқобил тарзда икки ёки бир неча баробар нархда белгиланади.

Лекин ойлик маошлар даражаси ошгани йўқ.

Энг кам ойлик даражаси мархум президент Каримовнинг 2016 йил августда белгилаган 149 775 сўм ҳолида қоларкан, коммунал энергия нархлари учинчи бор ошмоқда.

Табиий газ ўтган 2016 йили икки марта – апрел ва октябр ойларида ошган эди.

Вазият қарзларни ундириш бўйича Мажбурий ижро бюроси (МИБ) шуғуллана бошлагани фонида анча драматик тус олган.

Дубинкалар билан қуролланган МИБ ходимлари қаршисида, камбағал фуқаролар энергия ҳақини тўлаш учун қарз сўрашга, мол мулкларини гаровга қўйишга мажбур бўлишмоқда.

Рассом Туз
Eltuz.com