Чимкентлик бойнинг тўйидаги 179 $ минг долларлик торт (видео)

Чимкентлик тўй эгаси буюртирган қимматбаҳо торт видеоси ижтимоий тармоқни ҳайратга солди. Унинг нархи 179 минг АҚШ долларига баҳоланган.

Дастлаб 13 январь куни тўйни ўтказган ширкат эгасининг телеграм каналида пайдо бўлган видеога тортни мақташ билан бирга бу қадар қиммат торт буюртирган тўй эгаси маломат ҳам қилинмоқда.

Чимкент шаҳридаги Rixos меҳмонхонасида ўтган никоҳ тўйи учун буюртирилган тортнинг диаметри 3 метр, баландлиги 4,2 метр, оғирлиги 1 ярим тонна.

Қимматбаҳо торт муаллифи Россия олигархлари ва юлдузлари учун ширинликлар тайёрловчи қандолатчи Ренат Аъзамовдир.

Чимкентлик бойнинг тўй дастурхонига тортилган торт устида унинг жамоаси уч кун ишлаган.

Тўй «ширинлиги» ҳаракатланувчи отли карета, келин-куёвлар ва чироқлар билан ёритилган етти қаватли қаср шаклида «пиширилган».

Видео: https://youtu.be/gzNejiZyZ-0
Eltuz.com