Ўзбекистонда фақат рухсат этилган жойларни суратга олиш мумкин

Президент Мирзиёев чет эллик сайёҳларга мамлакат ҳудудида фотосурат олишга рухсат берувчи қарор чиқарди.

6 февраль куни имзоланган бу қарорга кўра, сайёҳларга махсус рўйхат билан чекланган объектлардан ташқари жойларни суратга олиш рухсат этилади.

Қарорда суратга олиш тақиқланган ёки махсус рухсат олиниши керак бўлган объектлар рўйхати алоҳида илова қилиниши айтилади.

Келаси ойдан Ўзбекистонга хизмат сафарини режалаган европалик бир сайёҳ «Элтуз» нашрига бу юзадан жиддий хавотирини билдирди.

Гап шундаки, элчихона ходими унга борадиган жойлари соатма-соат аниқ белгиланган йўл харитаси тайёрлаб берган.

Ўзбекистонга сафар визасини тасдиқлатиш учун у бориладиган ҳар бир ҳудуд, ҳар бир учрашиладиган одам тўғрисида батафсил келишиб олишга узоқ вақт сарфлаган.

«Бу ҳужжат менинг Ўзбекистонга сафарим Шимолий Кореяга бориш каби оғир кечишини англатади», деди у «Элтуз» нашрига.

Рассом Туз,
Eltuz.com