Андрей Кубатин, 37-йилдаги каби айблар билан қамалган олим

Тошкентлик туркшунос олим Андрей Кубатинга ўтган йилнинг декабрида Ҳарбий суд томонидан берилган 11 йиллик муддат, яқинда беш йилга туширилди.

Суд талқинига кўра, Кубатин «Институтнинг электрон базасидаги маҳфий маълумотлар»ни турк олими Тарих фанлари профессори Сулаймон Қизилтупроққа «сотганлик»да ва «туркчиликни тарғиб қилиш»да айбланган.

«Мен ҳам ўша турк олими билан ҳамкорлик қилганман, демак чекистлар таъбири билан айтганда, мен ҳам Андрей Қубатинга ўхшаб, Давлатнинг адабий-бадиий «сирларини сотиб», Ватанга «хиёнат» қилган» эканман», дея ёзади ўз фейсбук саҳифасида ҳамкасби ҳимоясига чиқишлар уюштираётган Зариф Султоний.

У ва бошқа олимлар ижтимоий тармоқда Андрей Кубатин озодлиги учун акциялар бошлашган, президент номига унинг озодлигини сўраб, мурожаатлар уюштиришда давом этишмоқда.

Eltuz.com