Ўзбекистонда француз виносини чиқаришга ҳали эрта

Президент Мирзиёевнинг Парижга сафари чоғи илгари сурилган Ўзбекистонда француз виноси ишлаб чиқариш ғояси «эчки, лимон ва товуқ» ривояти каби фиаскога учраши мумкин.

Республика карантин идораси ходими «Элтуз» нашрига узумнинг француз навлари бир нечта вирусли касалликларга эгалиги учун карантиндан ўтмаганини норасмий тарзда билдирди.

«Шунинг учун эндиликда Франциядан фақат дезинфекцияланган узум қаламчалари келтирилиб, IN VITRO усулида кўпайтириш лойиҳаси устида ишланяпти», деди у.

Айни лойиҳа устида ишлайтган мутахассиснинг «Элтуз»га билдиришича, 60 миллион дона дезинфецияланган кўчатга эҳтиёж бор. Акс ҳолда, мутахассига кўра, Европадаги токларда мавжуд зараркунандалар Ўзбекистондаги токзорларни қириб юбориши эҳтимоли катта.

Ўзбекистон матбуоти бундан аввалроқ мамлакатда 20 минг гектар плантацияда юқори сифатли француз виноси ишлаб чиқаришга келишилгани ҳақида хабарлар тарқатган эди.

Рассом Кирпи
Eltuz.com