АҚШ ўзбек пахтасини болалар меҳнатига оид тақиқ рўйхатидан чиқарди

АҚШ Меҳнат департаменти ўзбек пахтасини сотиб олинмаслиги керак бўлган товарлар рўйхатидан чиқарди. Бу АҚШ ўзбек пахтасини етиштиришда болалар меҳнати йўқлигини эътироф этганини англатади.

Олинган изоҳлар ва ахборотларни синчиклаб ўрганган АҚШ Меҳнат департаменти Ўзбекистонда болалар мажбурий меҳнатидан фойдаланиш сезиларли камайгани ва саноқли ҳолатлар даражасига тушганини қайд этган.

Бироқ ўзбек пахтаси АҚШ Меҳнат департаментининг мажбурий меҳнат натижасида етиштирилган товарлар рўйхатида қолади.

Кўплаб ўзбек нашрлари тарқатган, АҚШнинг ўзбек пахтасини харид қилишга тақиқни бекор қилганлиги ҳақидаги хабарлар нотўғридир.

АҚШ Меҳнат демпартаменти сайтида Ўзбекистон ҳамон пахта етиштиришда мажбурий меҳнат қўлланилаётган мамлакатлар тоифасида қолаётганини кўриш мумкин.

Eltuz.com