Мактаблардаги дарслар ҳам «Серқуёш» билан бошланадиган бўлди

Жорий йилнинг октябридан Ўзбекистон мактабларидаги дарслар ўқувчиларнинг мадҳия куйлаши билан бошланадиган бўлди.

Бу ҳақда 25 октябрь куни Халқ таълими вазирлиги хатидан иқтибос келтириб Дарё.ўз нашри хабар тарқатди.

Халқ таълими вазири ўринбосари Дилшод Кенжаевнинг ҳудудий бошқармаларга йўллаган хатига кўра, барча умумтаълим мактабларидаги бу янги удум 14 октябрдаги видеоселектор мажлиси ижросини таъминлаш мақсадида амалга оширилади.

Дарсни бошлаш олдидан давлат мадҳиясини куйлаш ритуали мактабларда ватанпарварликни ривожлантириш ҳамда давлат рамзларига нисбатан ҳурматни мустаҳкамлаш мақсадида жорий этилаётгани иддао этилмоқда.

Шимолий Корея удумини эслатувчи бу амалиёт Ислом Каримов даврида Ўзбекистондаги барча қамоқхоналарда оммавий жорий қилинган, маҳкумлар орасида «Серқуёш» дея ном олган, шоир Абдулла Орипов ижодига мансуб бу матнни ёдлатиш турма ритуалига киритилган эди.

Рассом Думхам
Eltuz.com