Президент куëвига одамларни жазолаш ваколати берилганми?

Ижтимоий тармоқда тарқалган видеода пахта даласида бир йигитнинг бир аёл билан оғзаки жанжали акс этади.

Жанжал давомида йигит аёлга “Чмо бўлганингдан кейин пахта терасан-да”, дея дашном қилади.

Орадан бир неча соат ўтиб, Ўзбекистон Республикаси президенти Шавкат Мирзиёевнинг кенжа куёви – Президент хавфсизлик хизмати раҳбари биринчи ўринбосари, Триатлон федерацияси раиси Отабек Умаров ўзининг инстаграмида фермерни топгани ва жазолаганини шахсан тармоқ орқали маълум қилади.

«Ярамас жазосиз қолмайди! Бу масала билан шахсан шуғулланаман!» деб ёзди Отабек Умаров ва кетидан ўзининг русча билишини писанда қилиш учун мана бу гапни қўшди: «Негодяй обязательно будет наказан! Вопросом займусь лично!»

Баъзи манбаларга кўра, президент куëви фермерни калтаклаган.

Президентнинг куëви амалга оширган иш “самосуд” дейилади ва Ўзбекистон қонунларида жавобгарлик белгиланган. ⠀

Беодоб фермерларни жазолаш Ўзбекистон президентининг кенжа куёви ваколатлари доирасига кирмайди.

Одамларнинг қилмишлари учун жазо белгилаш суд ваколати доирасидаги иш.

Рассом Кирпи президентнинг куëви, Триатлон федерацияси раиси Отабек Умаровнинг қилмишини “тош даври”даги ярим ëввойилар ритуалига ўхшатди.

“Эй, куëв! Сен Рамзанга тақлид қилиб, мамлакатни клоунадага айлантирма. Ҳуқуқ ва суд тизимининг ўрнини босиш ваколати сенга ҳам, қайин отангга ҳам берилмаган”.

Рассом Кирпи
Eltuz.com