Рассом Туз: ORDINARY FASCISM

Гитлерга ошиқ бўлиш йигирманчи асрда қолиб кетган руҳий аномалия деб ўйлардим. Немис хотинлари Гитлер гапирганда ҳаяжондан сийиб ташаган.

Йигирма биринчи асрнинг йигирма учинчи йили Ўзбекистонда яшайдиган Диëра Мингбоева ҳам Гитлерга ошиқлик каби шармандали эврилишга дучор бўлибди.

Диёра Мингбоеванинг Гитлерни мақташи асло сўз эркинлиги эмас – бу Ўзбекистон жазо қонунида кўзда тутилган жиноят. Ўйлайманки, тегишли органлар бу руҳий бесаранжом қизнинг ақлини жойига келтириб қўяди.

Умумиятла ўзбек блогосфераси, ОАВ ҳамда диний воизлар ичида тарқалган фашизм, ирқчилик, ксенофобия ва антисемитизм эпидемиясияга қарши жамият эмланмаса охири вой бўлади.

Илм ва мантиқ йўқ ерда нафрат ва ëлғон чўпчакларни нақорат каби ëд олган зомбилар канадай урчиб миллат тараққиëтини хатар остида қўяди.