Санкт Петербургда Бахти ўғри шерикларидан бири қўлга олинди

оссиянинг Санкт Петербург шаҳрида полиция Ўзбекистон Ички ишлар вазирлиги томонидан қидирувга берилган Мамажонов Дониёр Дилмуроджон ўғлини ҳибсга олган.

Дониёр Мамажонов Ўзбекистонда жуда кўп миқдорда тоавламачилик билан тергов қилинаётган жиноят иши бўйича терговдан яшириниб юрганлиги аниқланган.

Тергов унга нисбатан қидирув эълон қилиб, сиртдан қамоққа олишга вазифалантирилган.

(ЎРИС ПОЛИЦИЯСИ БИЛАН САВОЛ ЖАВОБ)

Элтузга юборилган видеода Дониёр Мамажонов кишанланган ҳолда полиция саволларига жавоб бераётгани тасвирланган. У полициянинг “жиноят олами”га алоқангиз қандай деган саволига “ҳеч қандай” дея жавоб беради.

29 яшар Дониёр Мамажонов Санкт Петербургга спорт мусобақасига борганини айтади.

Полициянинг Санкт Петербургда қаерда яшаши ҳақидаги саволига меҳмонхонада турганини айтади, аммо айнан қайси меҳмонхонада туришини аниқ эслай олмаслигини айтади.

Дониёр Мамажонов, Элтуз манбаларига кўра, Ўзбекистондаги ягона вор в законе “Бахти Ташкентский” лақабли Бахтиёр Қудратуллаевга яқин шахслардан бири сифатида танилган.

Бахти Ташкентскийнинг ўзи ҳам 28 ноябрда Ўзбекистондаги “жиноят олами”га қарши бошлатилган 40 кунлик кенг кўламли амалиёт бошланганидан кўп ўтмай ҳибсга олинган эди.

Эслатиб ўтамиз, 22 декабрда Ўзбекистон Маънавият ва маърифат кенгашининг йиғилишида гапирган Президент Шавкат Мирзиёев Ўзбекистонни жиноятдан холи ҳудудга айлантиришга азм қилганини айтган эди:

“Ўзини “кўча” деб атайдиган жиноий гуруҳлар бўладими, коррупцияга берилган мансабдор шахслар бўладими, ким қонунга беписанд қараб, давлат ва жамиятга зарар етказадиган бўлса, биз бунга ҳеч қачон жим қараб туролмаймиз. Кўчаларимиз, маҳаллаларимиз, ҳаётимиз том маънода тинч ва тоза, жиноятдан холи бўлиши керак.  Янги Ўзбекистонда қонун устувор, жиноятга жазо муқаррар бўлиши шарт. Ва албатта шундай бўлади,” деб айтган эди Президент Шавкат Мирзиёев.

Элтуз Ўзбекистондаги  жиноят оламига яқин шахсларнинг қамалишига оид жараёнларни ёритишда давом этади. Каналимизга обуна бўлинг, видеоларимизга лайк босинг.