САИДА МИРЗИЁЕВА АДМИНИСТРАЦИЯГА РАҲБАР БЎЛДИ

Президент матбуот котиби Шерзод Асадовнинг хабар беришича, Президентининг фармони билан Президент Администрацияси тузилмасига ўзгартиришлар киритилган.

Президент Администрацияси раҳбари лавозими ташкил қилинган.

Фармон билан Саида Мирзиёева Президент Администрацияси раҳбари лавозимига тайинланган.

Шунингдек, Элтуз манбаларига кўра, Комил Алламжонов Президент Администрациясининг янги раҳбари Саида Мирзиёевага жамоатчилик асосида мустақил маслаҳатчи сифатида тайинланди.

Ушбу лавозимда у инновацион иқтисодиётни ривожлантириш, инвестицияларни жалб этиш, сўз эркинлигини таъминлаш ва мустақил оммавий ахборот воситаларини қўллаб-қувватлаш соҳаларида экспертлик ёрдамини кўрсатади.