Тирбандлик сабаблари нимада?

Тошкент йўллари замонавий ва кенг бўлишига қарамай, тирбандлик ҳануз давом этмоқда. 

Йўл четида рухсатномасиз сотувчилар машиналарини тўхтатиб туради, баъзи ҳайдовчилар еса машиналарини йўл четига қўяди. 

Натижада бошқа ҳайдовчилар мажбурий равишда бошқа йўлакка ўтади. Тирбандлик кучаяди ва шаҳар тартиби бузилади.

Пул эвазига берилган рухсатномалар ва мутасаддиларнинг бефарқлиги очиқ коррупциянинг ўзгинаси. 

Ички ишлар, солиқ ва ҳокимият органлари тартибни таъминламайди. 

Чет элдан келган туристлар бу ҳолатни кузатиб, Тошкентни тартибсиз ва қолоқ шаҳар сифатида қабул қилаётгани ачинарли. 

Шаҳар йўллари нафақат чиройли, балки хавфсиз, самарали ва тартибли бўлиши керак. 

Сотувчилар учун алоҳида жой, жамоат транспортини ривожлантириш ва коррупцияга барҳам бериш – бунинг ягона йўлидир.