Латвиядан кекса ёшли ўрис ҳайдаб солинди

Григорий Ерёменко Латвияда 40 йил яшаган, аммо латиш тили бўйича бошланғич имтиҳонни топшира олмаган — натижада у депортация қилинди. У шу кеча кундузда мамлакатдан бадарға қилиниши кутилаётган 800 ўриснинг биридир.

Янги талабларга кўра, яшаш гувоҳномасига эга бўлган Россия фуқаролари ЕИнинг узоқ муддатли резиденти мақомини олиш учун 30 июнгача A2 даражасидаги тестни топшириши ва хавфсизлик текширувидан ўтиши керак эди. Бу шартларни 800 дан ортиқ киши бажармаган — уларнинг барчаси мамлакатдан ҳайдаб чиқарилиш арафасида.

Ерёменконинг ўзи бўлаётган воқеаларни «ҳақиқий фашизм» ва «рус тиллиларни қувиш» деб атади. Лекин, салкам ярим аср яшаган юртнинг тилини билмаслик шу юрт ватандошлигига ҳурматсизлик эмасми? 

Қизиқ, агар бундай шарт Ўзбекистонда жорий этилса фуқароларнинг қанча фоизи Россияга бадарға қилинган бўларди?