Сариосиё ҳокими ўринбосари қамалди

Сурхондарё вилоятининг Сариосиё тумани ҳокими ўринбосари 3 йил 1 ой муддатга озодликдан маҳрум қилинди. Ҳоким ўринбосари боғчага ишга киритиб қўйишни ваъда қилиб, фуқародан ўз хизмат хонасида 500 доллар олган. 

У 2025 йил 21 сентябрда ушланган ва қамоққа олиш тарзидаги эҳтиёт чораси қўлланган.

Суд ҳужжатида ёзилишича, судланувчи 2020 йил 27 май кунидан 2025 йил 22 сентябр кунига қадар Сариосиё туман ҳокимининг ёшлар сиёсати, ижтимоий ривожлантириш ва маънавий–маърифий ишлар бўйича ўринбосари лавозимида ишлаб келган.

ЖИБ Сариосиё туман судининг ҳукми билан А.Қ. Жиноят кодексининг 168-моддаси 3-қисми “в” банди ва 28,211-моддаси 1-қисмида назарда тутилган жиноятларни содир этганликда айбли деб топилган.