АҚШнинг Украинага таҳдиди: «Ҳозир имзоламасангиз, шартлар янада оғирлашади»

Киевдаги вазият кескинлашган: Қўшма Штатлар Украина ҳукуматидан келишувни зудлик билан имзолашни талаб қилмоқда, акс ҳолда шартлар келажакда анча оғир бўлишидан огоҳлантирмоқда.

АҚШ армияси вазири Дрисколл НАТО давлатлари элчиларига Киевда шундай деди: «Идеал битимлар бўлмайди, аммо буни кейинчалик эмас, балки тезроқ амалга ошириш керак». Бу баёнот унинг Зеленский билан музокаралари ва Оқ уйдан бўлган телефон қўнғироғидан сўнг янгради.

The Guardian нашрининг ёзишича, учрашув хонасидаги кайфият нохуш бўлган. Бир неча Европа элчилари ҳам келишув мазмунини, ҳам АҚШнинг иттифоқчиларни хабардор қилмасдан Россия билан музокара олиб борганини шубҳа остига олишди.

Нашр манбаси вазиятни қуйидагича изоҳлади:

«Бу даҳшатли учрашув бўлди. Яна ўша “сизда ҳеч қандай карта йўқ” руҳидаги суҳбатлар».