Ўқитувчини тунги қоровулликка қўйиб бўлмайди

Вазирлик вакилининг айтишича, иш берувчи ходимдан унинг хизмат вазифаларига кирмайдиган ишларнинг бажарилишини талаб қилиш ҳуқуқига эга эмас. Бундан ташқари, қонунчиликка кўра, бирор бир жазони қўллаш билан таҳдид қилиш орқали (шу жумладан, меҳнат интизомини сақлаш воситаси тариқасида) иш бажаришга мажбурлаш тақиқланади.

Кўриниб турибдики, Ўзбекистон қонунчилиги нафақат ўқитувчиларни, балки бошқа соҳа вакилларини ҳам меҳнат шартномасида кўрсатилмаган вазифаларни бажаришдан озод этади. Лекин сўнгги вақтларда ўқитувчиларни, боғча тарбиячиларини ва бошқа соҳалар ходимларини ўз хизмат вазифасига зид равишда тунги навбатчиликка қолдириш амалиёти кенг тарқалган. Одатда бу ҳушёрлик ва хавфсизликни таъминлаш мақсадида қилинаётгани айтилади. Унда давлат ҳуқуқ-тартибот органлари ходимлари нима қилади, деган ҳақли савол туғилади.

Eltuz.com