Сардор Умрзоқов президент қарори билан қўшимча ваколатларга эга бўлди

Президент қарори Махсус топшириқлар бўйича маслаҳатчининг ваколатлари кенгайтирирлиб катта қамров касб қилди.

Бундан буëн Умрзоқов мамлакатнинг ички ва ташқи сиёсатига оид таклифларни мунтазам равишда Президентга киритиб бориш ваколатига эга бўлди.

Махсус топшириқлар бўйича маслаҳатчининг ваколатларини кенгайтириш бўйича махсус Президент қарорига кўра:

Умрзоқов қўл остида Таҳлилий ва тадқиқот тузилмалар фаолиятини ташкил қилиш бўйича Мувофиқлаштирувчи кенгаш ташкил этилади.

Кенгаш сиёсий ва иқтисодий ҳамда мамлакатнинг ички ва ташқи сиёсатига оид таклифларни ишлаб чиқади мунтазам равишда Президентга киритиб боради.

Мувофиқлаштирувчи кенгаш ички ва ташқи сиёсат жараёнлари бўйича стратегик тадқиқотларни ташкил қилиш ҳамда уларни ўтказишнинг барча жараёнларини мувофиқлаштириш масалаларига масъул бўлган маслаҳат органи ҳисобланади.

Кенгаш фаолиятини умумий мувофиқлаштириш ҳамда идоралараро ҳамкорликни таъминлаш Президентнинг Махсус топшириқлар бўйича маслаҳатчиси томонидан амалга оширилади.

Мувофиқлаштирувчи кенгаш тузилмасида қуйидаги йўналишларга масъул бўлган ишчи гуруҳлар ташкил қилинади:

— хавфсизлик ва ижтимоий барқарорлик;

— давлат ва жамият қурилиши;

— ижтимоий-иқтисодий ривожланиш;

— ташқи сиёсат ва халқаро ҳамкорлик;

— ҳудудларни стратегик режалаштириш ва ривожлантириш;

— экологик кун тартиби, шу жумладан иқлим ўзгариши, сув тақчиллиги масалалари.

2023 йил августида Сардор Умурзоқов президентнинг махсус топшириқлар бўйича маслаҳатчиси лавозимига тайинланган эди.

Умурзаков 2022 йил июлидан то 2023 йил авгутга қадар Президент администрацияси раҳбари сифатида ишлаб келаётган эди.

Умурзаков 1977 йил 23 ноябрда Тошкентда туғилган. Тошкент давлат иқтисодиёт университети (бакалавр) ва Рэдинг университетини (Буюк Британия, магистратура) тамомлаган. Фалсафа доктори (PhD) илмий даражасига эга.

Умрзоқов 2003 йилнинг ноябрида Европа тикланиш ва тараққиёт банкида (Лондон шаҳри) ишлаган.
2007 йилда Ўзбекистонга қайтган Умрзоқов Молия вазирлиги Ғазначилиги бошлиғи ўринбосари, биринчи ўринбосари, Тошкент шаҳар Ғазначилиги бошлиғи лавозимларида ишлаган.
2014-2017 йилларда “Ўзбекчармпойабзали” уюшмаси бошқаруви раисининг маслаҳатчиси, 2017-2018 йилларда раис ўринбосари бўлган. Уюшма қайта ташкил этилиб, “Ўзчармсаноат”га айлантирилгач, 2018-2019 йилларда унга раислик қилган.

2019 йил 28 январда инвестициялар ва ташқи савдо вазири этиб тайинланган, 2020 йил 10 мартда эса бош вазир ўринбосари даражасига кўтарилган.