“Ўзбекистон темир йўллари” ўзбек лотин ёзувига ўтди

Куни кеча имзоланган “Давлат тилини ривожлантиришга оид қўшимча чора-тадбирлар тўғрисида”ги Президент қарори ортидан “Ўзбекистон темир йўллари” АЖ тизимидаги ҳужжатлар, жадваллар ва билетлар ўзбек лотин ëзувида ёзилишига киришилди. Бу қарор давлат тилининг жамиятдаги ўрнини мустаҳкамлаш ва расмий соҳаларда унинг тўлиқ қўлланилишини таъминлаш йўлидаги муҳим қадам сифатида баҳоланмоқда.

“Давлат тилини ривожлантиришга оид қўшимча чора-тадбирлар тўғрисида”ги Президент қарори Ўзбекистонда давлат тили – ўзбек тилининг жамият ҳаётидаги барча соҳаларда тўлақонли татбиқ этилишини таъминлашга қаратилган кенг қамровли чора-тадбирларни ўз ичига олади. Ушбу ҳужжат давлат идоралари ва ташкилотларини ўз иш фаолиятида, айниқса, ҳужжат алмашинуви, ахборот ташувчи воситалар ва аҳолига хизмат кўрсатиш жараёнларида давлат тилининг лотин алифбосидаги вариантидан фаол фойдаланишга ундайди.

Темир йўл соҳасидаги ҳужжатлар, поездлар жадваллари, станциялар номлари ва энг муҳими – йўловчилар учун чиқариладиган билетларнинг лотин ëзувида бўлиши, миллионлаб фуқароларнинг кундалик ҳаётига тўғридан-тўғри таъсир кўрсатади. Бу ҳолат, авваламбор, аҳолининг аксарият қисми учун қулайлик яратади, шунингдек, ўзбек лотин алифбосининг расмий муомаладаги мақомини янада мустаҳкамлайди.

АЖ тизимидаги мазкур ўзгаришлар нафақат лингвистик, балки маънавий-маърифий аҳамиятга ҳам эгадир. Давлат тилининг тўлиқ татбиқи – миллий ўзига хосликни сақлаш ва ривожлантиришнинг муҳим шартидир.

“Ўзбекистон темир йўллари” АЖ томонидан бошланган ҳужжатларни лотин ëзувига ўтказиш жараёни Президент қарори ижросининг аниқ ва амалий ифодаси бўлиб, бошқа давлат ва хўжалик бошқаруви органлари учун намуна бўлиши лозим. Бу ташаббус Ўзбекистонда давлат тилининг тўлақонли ривожланиши ва жамият ҳаётининг барча жабҳаларида унинг ўрни мустаҳкамланишига хизмат қилади. Ушбу қадам мамлакатнинг ўз миллий қадриятлари ва тилини улуғлаш йўлидаги изчил сиёсатининг яна бир далилидир.