Жиззах вилоятида тўрт кунлик ёш келин-куёвнинг ўз ётоғида ўлиги топилди 

Маълумотларга кўра, воқеа 25-октябр куни Ғаллаорол тумани Сугумбой қишлоғидаги хусусий уйлардан бирида содир бўлган. 21 ёшли йигит ва унинг 19 ёшли турмуш ўртоғи номаълум моддадан заҳарланиш оқибатида вафот этган. Оила бошлиғининг айтишича, ёшлар фожиадан тўрт кун олдин турмуш қуришган.

Айтишларича, келин-куёв  номаълум моддадан заҳарланиб вафот этган танасида ортиқча жароаҳат излари йўқ. 

Воқеа жойига етиб келган туман газ таъминоти бўлими бош муҳандисининг айтишича, хонадондаги газ ёнишидан сўнг тутун йўли, шамоллатиш канали ва чиқинди газлар чиқадиган жой ғишт билан тўлиқ ёпиб қўйилган. Тахминларга кўра, уй эгалари иситиш мавсуми бошланишидан олдин ўчоқни текширмаган, шу сабабли узоқ вақт узлуксиз ёнишдан ис гази ажралиб чиқиши мумкин бўлган. 

Ёш оила ҳам қаровсиз қолгани ва хонадон яшашга яроқлилик жиҳатлари яхши текширилмагани ҳам бу фожеага олиб келган.