Латвиядан ҳайдалган русларга қандай ёрдам берилади?

Россияда Латвиядан давлат тилини билмагани учун шармандаларча ҳайдаб чиқарилган юзлаб рус фуқароларига ёрдам  ваъда қилинди.

Гап Латвияда доимий яшаётган, аммо янги талаб — узоқ муддатли Европа Иттифоқи резиденти мақомини олиш шартларини бажармаган россияликлар ҳақида кетмоқда. Бунинг учун 30 июнгача латиш тилидан A2 даражасидан паст бўлмаган имтиҳон топшириш ва хавфсизлик текширувидан ўтиш керак эди.

Натижада Латвия расмийлари 841 нафар россияликка 13 октябргача мамлакатни тарк этишни буюрди — акс ҳолда, бу нохос кишиларни тарихий ватанига шунчаки депортация қилишади.

Латвия парламентида «рус тили — бизники» деб бақирган жанжалкаш Росликов Эстонияга киритилмади

Латвия Сеймининг собиқ депутати Латвия-Эстония чегарасидан видео эълон қилди. Алексей Росликов ҳамкасблари билан учрашувга кетаётганини айтган — аммо уни тўхтатишган, Миграция ишлари департаментига олиб боришган ва у ерда унга амалдаги кириш тақиқи ҳақида маълум қилишган.

Аввалроқ Росликовга қарши Латвияда жиноий ишлар қўзғатилган — нафрат қўзғаш ва агрессор давлат сифатида Россияга ёрдам бериш учун. Бунга унинг 2025 йилда Сеймдаги рус тилида айтган: «Биз кўпроқмиз» деган нутқи сабаб бўлган. Давлат тили маркази уни латиш тилини ҳурмат қилмасликда айблади.

Латвия Давлат хавфсизлик хизмати Росликовни русзабон озчиликка нисбатан гўёки босим ўтказилаётгани ҳақидаги баёнотлари учун бир неча бор танқид қилган.

Россияда эса аллақачон бу воқеалар юзасидан хавотирлар бошланган. Ички ишлар вазирлиги расмий вакили Ирина Волк Москва «жойлашиш ва мослашишга кўмаклашиш бўйича» бутун бир чора-тадбирлар мажмуасини ишлаб чиққанини маълум қилди.

Бу қизиқ, айнан қандай чоралар экан? Уларни Россиядаги ўзбек мигрантларига қўшиб Украинага қарши урушга юборишадими?