Пахтага қўли теккан одам бахтли бўладими?

Бу йилги пахта терими мавсумида Фарғона вилоятида олингани айтилаётган, ижтимоий тармоқда пайдо бўлган фотосуратларда “Пахтага қўли теккан одам – бахтли одам!” шиори акс этган.

Ўзбек пахтачилигининг бу янги шиори ижтимоий тармоқда кулгили мемларга айланди.

«Айтдим-а, нега ҳеч бир ишда БАХТ кулиб боқмаяпти деб!? Бугун «аптечний» пахтага қўлимни қайта-қайта текизиб олдим…», дея ёзув қолдирди cурат остига чирчиқлик Илҳом Каримов.

«Пахтага қўли тегмаган одамлар бахтсизми?» дея савол ёзди шундай расм акс этган пост остига Зикриллохон Эргашев исмли юзер.  

Бошқа юзерлар ҳам «агар шундай бўлганида дунёда бахтсиз одамнинг ўзи қолмасди», деган мазмундаги фикрларни ёзишмоқда.

2018 йилги пахта мавсуми бир-биридан абсурд шиорлари билан тарихга кирди.

Аввалроқ тармоқда ўзбек имомларининг «Пахта териш ибодатдур!» деган калимасини қайтариш урф бўлган эди.

Eltuz.com