Туркияда уч ўзбекистонлик ИШИД фаоли қўлга олинди

Қўлга олинганларнинг уч нафари Ўзбекистон фуқаросидир.

Қахрамонмараш полицияси тарқатган маълумотга кўра ИШИД террор тизими фаолларига қарши қаратилган тадбир давомида қўлга олинган ўзбеклар адлия қарорига кўра маҳкамагача қамоқда ўтиради.

Қахрамонмараш ИИБ Террорга қарши мужодала шўбасининг қора ниқоб таққан ходимлари шаҳарнинг Водий ва Юнус Эмро маҳаллаларидаги ИШИД фаоллари яшайдиган икки манзилини босди.

Ўзбекистон фуқаролари E.C, K.H. ва K.A адлияда қисқа сўроқ қилинганидан сўнг ҳибсхонага жўнатилди.

Ўзбекистон фуқароларига “Террор тармоғига аъзо бўлиш” айби қўйилди.

ИШИД тармоғи асосан толиблар ва бошқа хорижий жангарилар ҳисобидан минтақада ўзига юзлаб янги тарафдорлар ортдиришга муваффақ бўлгани айтилади.

Айни шу манзарада ИШИД гуруҳи сафларига бориб қўшилаётган марказий осиёлик фуқароларга оид илк расмий рақамлар ҳам эълон қилинди.

Жумладан, Халқаро Инқироз Гуруҳи уларнинг сони икки мингтадан тўрт мингтагача бўлиши мумкинлигини айтиб чиқди.

Айни мавзуни тадқиқ қилган қатор халқаро ташкилотларнинг ҳисоботларида эса, Сурия ва Ироқда жанг қилаётган марказий осиёликлар аксариятининг ўзбеклар экани тахмин қилинди.

Америка Жосуслик Хизматининг қўшма ҳисоботида эса, ИШИД гуруҳи сафларидаги фуқароларининг сони бўйича Ўзбекистон кечаётган йилда Россия билан бирга рўйхатнинг юқори қаторларидан жой олган иккита собиқ Совет давлатидан биттаси бўлди.

Абдужамил Дўстмуҳаммад
Eltuz.com