ЧИЛОНЗОРДА САРТАРОШ ЙИГИТГА ШИЛҚИМЛИК ҚИЛГАН ЭРКАК ҚАМАЛДИ

Тошкент шаҳри Чилонзор туманида 33 ёшли сартарош йигитга шилқимлик қилган 41 ёшли эркак 15 суткага қамалди.

2 июнь куни соат 20.00 ларда мижоз сартарошга телефон орқали қабулига ёздириб боришини айтади. Айтилган вақтда келади ва бошқа мижозларнинг кетишини пойлайди. Сартарош бўшаб унга навбат келади. Мижоз соқолини калталата туриб, сартарошнинг дастлаб соқолини сийлайди, сўнгра жинсий аъзосини ушлаб, қучоқламоқчи бўлади.

Сартарош қаршилик қилган бўлса ҳам мижоз уни маҳкам қучоқлаб олган. Сартарош мижозни тепиб ундан узоқлашган. Сўнг мижоз уни ҳақорат қилган. “Ҳаммага берасан, менга бермайсанми”, деб…

Сартарош орада ҳожатхонани баҳона қилиб “102” га телефон қилади. “Ҳожатхона”дан чиққан сартарошга мижоз яна ташланади. Кўп ўтмасдан ИИБ ходимлари воқеа жойига етиб келади. Ҳолатни тўлиқ шикоят дафтарига қайд этган.

Чилонзор туман маъмурий судида 6 июнь куни ушбу ҳолат кўриб чиқилди. Судда асли Самарқандлик бўлган 41 ёшли эркак айбига иқрор бўлди. Сартарош сўраган 10 миллион сўм маънавий зарар ундириб берилди. Суд унга 15 кунга қамаш жазосини тайинлади.

Шилқим қамағда. Сартарош ўн миллион сўмга бойиди.