20 яшар ўзбекистонлик кибер фирибгар Туркиядан қувилди

Туркия ва Ўзбекистон Ички ишлар вазирликлари ҳамкорлигида ўтказилган комплекс тезкор-қидирув тадбирлари натижасида,илгари бир қатор киберфирибгарлик жиноятларини содир этиб, 10 нафардан ортиқ Ўзбекистон фуқароларининг маблағларини ўзлаштириб кетганликда айбланиб қидирувда бўлган 20 яшар Зоҳиржонов Умид Дилшод ўғли Ўзбекистон Республикаси ҳудудига депортация қилинди.

Ушбу шахснинг ноқонуний хатти-ҳаракатлари оқибатида жабрланган фуқаролардан Ўзбекистон Республикаси Ички ишлар вазирлигига ёки унинг ҳудудий бўлинмаларига  Истанбул шаҳридаги Бош консулхонасига мурожаат қилишлари сўралади.

Таъкидлаймиз: жиноий жавобгарликдан қочиб хорижий давлатларда, жумладан Туркияда яширинган ҳар бир шахсга нисбатан жиноий таъқиб изчилдавом эттирилади ва “жиноят учунжавобгарлик” тамойили қатъий таъминланади.