Касби аҳолиси Индорама чангидан бўғилмоқда

Қашқадарё вилояти Касби тумани Фазли маҳалласи ҳудудида, йўл бўйида жойлашган Indorama Agro МЧЖга қарашли пахтани қайта ишлаш заводи экологик талабларни қўпол равишда бузмоқда.

Афтидан, заводда чанғ зарраларини ушлаб қолувчи фильтрлар мавжуд эмас ёки умуман ишламаяпти. Натижада ишлаб чиқариш жараёнида ҳосил бўлаётган чанғ атрофга тарқалмоқда. 

Чанг ҳаво Фазли МФЙ билан бир қаторда Дейнов, Пахтакор ва Оқтепа маҳаллаларидаги аҳоли саломатлигига ҳам салбий таъсир қиляпти

Аҳоли томонидан Республика Экология, атроф-муҳитни муҳофаза қилиш ва иқлим ўзгариши вазирлигига бир неча бор мурожаат қилишган. Аммо бу мурожаатлар ҳозиргача жавобсиз қолмоқда, ҳолат юзасидан Индорамага нисбатан аниқ чоралар кўрилмаган.

Индорама агро корхонаси фаолиятини қонун талаблари асосида текшириш, фильтр тизимларини ўрнатиш ва зудлик билан бу экологик хавфни бартараф этиш шарт.