7 июнь – Англия қиролининг яккаҳокимлиги чекланган кун

Бу кун Англия фуқаролик жамияти томонидан монархия зўравонликларини чеклаш йўлида туб бурилиш ясалган санадир.

1628 йилнинг 7 июнида инглиз қироли фуқароларнинг ҳуқуқлари тўғрисидаги қонунни имзолади. Ўша йили Англия парламенти фуқароларнинг ҳуқуқ ва эркинликларини тасдиқловчи “Ҳуқуқлар ҳақидаги петиция”ни қирол Карл I га тақдим этади.

Монархиянинг ўша пайтдаги зўравонликлари аҳолига мажбурий заёмлар солиниши, судсиз ҳибсга олишлар, ҳарбий судлардаги қийноқлар ва терговлардаги ноқонуний хатти-ҳаракатларида кўзга кўринган эди.

Қиролнинг қаршилигига қарамай, парламент миллат тарихидаги бу ўзгаришларни қабул қилдиришга эришди. Петиция қироллик элитасини ташкил этувчи жамоа палатаси ва лордлар палатаси томонидан тасдиқланди.

“Ҳуқуқлар ҳақидаги петиция”ни қирол устивор қонун сифатида имзолашга мажбур бўлди, қонун матни улкан тиражда чоп этилиб, халққа тарқатилди.

Eltuz.com