Каримовнинг террорчилар олдида тиз чўккан даври кино қилинмоқда

Ўзбеккино Миллий агентлиги буюртмасига асосан “Ўзбекфильм” киностудиясида тасвирга олинаётган “Муқаддас истак” номли ушбу фильм қаҳрамонлари орасида Ўзбекистонда террорчи ташкилот дея эълон қилинган “Ўзбекистон Исломий Ҳаракати” асосчилари Тоҳир Йўлдош ва Жума Намангоний образлари ҳам бор.

Давлат сисёсатини ташвиқ қилиш билан танилган “Ўзбекфильм” киностудияси директори Ҳилол Насимов бошчилигида суратга олинаётган ушбу филмда 1980-йиллар охири ва 1990-йиллар бошида юз берган ҳодисалар ҳикоя қилинади.

Тарихий ҳужжатларга кўра, айнан ўша даврда Каримов, президентликка овоз олиш учун, мухолифи Муҳаммад Солиҳдан фарқли, бугун террорчи аталган гуруҳ билан тил бириктирган ва унинг қаршисида тиз чўккан эди.

Наманганга йиғилган халойиқ олдида Тоҳир Йўлдош президентликка Ислом Каримов номзодини тавсия этаркан, Каримов Ўзбекистоннинг Исломий давлат бўлиши ва Тоҳир Йўлдош жамоаси шартларини бажаришга ваъда берган эди.

Шунингдек архивларда сақланган тарихий видеолавҳаларда халойиқнинг такбирлари остида, Каримовнинг илтижо қилиб, қуръонни олдига қўйиб, кечирим сўрагани, республикани исломий давлатга айлантириш таклифини парламентга қўйишни ваъда қилгани акс этган.

«Майли, Ислом давлати номини олсак, оламиз!» деган эди сўзининг сўнггида Каримов

Филмда бу тарихий воқеалар қанчалик ҳаққоний акс этиши ҳақида олдиндан бирор нарса дейиш қийин, бироқ айни жараённи, расс ом Туз ҳам навбатдаги сурати орқали акс эттиради.

“Муқаддас истак” бадиий фильми Ўзбекистон мустақиллигининг 25 йиллиги тантаналари пайтида кинотеатрларда намойиш этилиши кутилмоқда.

Рассом Туз
Eltuz.com