Жарроҳлик амали пахта тугагунга қадар қолдирилади!

Операция столида қолаётган шўрлик беморнинг пахта тугашини кутишдан бошқа чораси йўқ. Чунки тиббиёт ходимлари учун инсон соғлиғидан кўра, пахта териб топадиган пули афзалроқ.

Ҳар ҳолда ўзбек ҳукумати расмийлари шундай дея ҳисоблайди. Улар бу йил ҳам катта пул ундириш таъмасида, шифокорларнинг пахтага чиқишларини қўшимча даромад манбаи дея Жаҳон банкини ишонтиришга уринишмоқда.

Айни пайтда, Ўзбекистон шифохоналарини кезсангиз у ерда беморлар кўплигига қарамай, уларга қарайдиган шифокорларнинг камлигини кўрасиз.

Уларнинг аксарияти пахтада. Айримлари эса ўрнига одам ёллаб уйда қолишни афзал кўради.

«Бу ҳам уларнинг «қўшимча даромад» топиш йўлидаги бизнесларининг бир қисми бўлса керак?», дейди аччиқ заҳарханда билан навбатдаги карикатурани eltuz.com нашрига жўнатган рассом Туз.

Рассом Туз
Eltuz.com