Президент 1200 га яқин прокурорни қисқартирди

Президент Мирзиёев 15 март кунги фармони билан прокуратура идораларидаги 1 198 штатни қисқартирди. Бу ҳақда Адлия вазирлиги хабар берди.

Президентнинг «Тадбиркорлик фаолиятини ҳимоя қилиш тизимини тубдан такомиллаштириш ва прокуратура органлари фаолиятини оптималлаштириш чора-тадбирлари тўғрисида»ги фармонига кўра, 1 апрелдан бошлаб прокуратура тизимидаги штатлардан ташқари кўплаб лавозимлар, бўлимлар, бошқармалар тугатилади.

Президент Мирзиёев бундан илгари 2017 йилнинг 2 августидаги чиқишида 80 фоиз прокурорларни ишдан ҳайдашини ва уларни очиқчасига ёмон кўришини айтиб, «ғўдайган ўғрилар» ва «илгариги даврдан қолган ахлат», дея сўккан эди.

«Мен ўзи прокурор деган одамни жуда ёмон кўраман. Ўзи биринчи ўғри улар. Ҳаммани тағин ўғриликка даъват қилади”, деган эди Шавкат Мирзиёев видеоселектор йиғилишида.

Eltuz.com