Журналистни урган мулозим жазоланди

14 август куни Тошкентда репортаж тайёрламоқчи бўлган Зўр.ТВ журналистлари Нурзодбек Воҳидов ва Сардорбек Йўлдошевларни калтаклаган қурилиш бошқарувчисига чора кўрилди.

Журналистлар шу куни Тошкент аэропорти яқинида қурилаётган йўл ўтказгич кўприкларнинг қулаши юзасидан суриштирув ўтказиш учун боришган эди.  

Шундан сўнг ижтимоий тармоқларда Зўр ТВ мухбири Вохидов ва унинг оператори Йўлдошевларга ҳақорат ёғдириб, уларни дўппослагани акс этган видеолар тарқалди.  

Бундан аввал Элтуз Тошкент аэропорти яқинида қурилаётган кўприкларнинг қулаши юзасидан жиноий иш очилиб учта амалдорнинг қамалгани ҳақида материал тайёрлаган эди.

Ўзбекистон транспорт прокуратураси Тошкент халқаро аэропорти яқинида қурилаётган йўл ўтказгичнинг 5 та тўсини қулаб тушгани ҳолати юзасидан 3 нафар мансабдорга жиноят иши очилганини маълум қилган. Ҳодиса сабаб юзага келган зарар қарийб 2,8 млрд сўм деб баҳоланган эди.

Ўзбекистон президенти Администрацияси ҳузуридаги Ахборот ва оммавий коммуникациялар агентлиги журналистларга ҳужумни қоралади.

TV мухбирлари билан юзага келган ҳолат юзасидан Миллий медиа бирлашмаси бошқарув раиси Шерзодхон Қудратхўжа ҳам мазкур ҳужумларни қоралаб журналистлар ҳақида қуйидагилари билдирди.

Шу ўринда эслатиб ўтиш жоиз «Журналистлик фаолиятини ҳимоя қилиш тўғрисида»ги қонуннинг 5-моддасида, журналист ўз касбига доир фаолиятни амалга ошириш чоғида, журналист текшируви ўтказиш, зарур техника воситаларидан фойдаланган ҳолда ёзиб олиш ҳуқуқига эгадир.Шунингдек, ушбу қонуннинг 14-моддасида ҳамда Маъмурий ва Жиноий жавобгарлик тўғрисидаги кодексларда шахсни ҳақорат қилганлик, қасддан енгил шикаст етказганлик ҳамда мулкни қасддан нобуд қилиш ёки зарар етказиш учун ҳам жавобгарлик белгиланган.