Zo’rTV журналистларини урган зўровон ким?

Cалом қадрли мухлислар, Элтуз ўзининг кундалик кўрсатувларини давом эттиради.

Элтуз илгари хабар берганидек, 15 август куни Zо‘r TV журналисти ва операторини калтаклаган «Кўприкқурилиш» трести унитар корхонаси 67-кўприкқурилиш отряди иш бошқарувчиси Нодир Эшниязовга нисбатан жиноят иши қўзғатилди. Нодир Эшниязов ЖКнинг 277-моддаси 1-қисми билан жиноятни қасддан содир қилганликда айбланмоқда. Бу юзадан дастлабки тергов ҳаракатлари олиб борилмоқда.

Бу материаллар эълон қилингани ортидан Нодир Эшниёзовни яқиндан биладиган шахс Элтузга алоқага чиқди. Унинг билдиришича, Нодир Эшниёзов Сергелида «учар» лақаби билан танилган тадбиркор Шерали Эшниёзовнинг жиянидир.

«Уни яхши танийман, дадаси оламдан ўтган. Дадасининг укаси Шерали Нодирни қўллаб келади. Шералининг лақаби «учар».  Тошкентда етарлича бизнеси бор. Яна казо-казолар билан куда анда. Унинг яна битта ўғли ИИВ да катта лавозимда ишлайди».

Унинг билдиришича, Нодир Эшниёзов ўзининг ишларини Ички ишлар вазирлигидаги амакиси орқали бости-бости қилиб келади. Ўзи Сурхондарё вилоятининг Узун туманидаги Б. Очилдиев номидаги жамоа хўжалигида яшаган ва ўша ердаги мактабни тугатган. 

Сергелидаги Спутник 16 мавзейида  жойлашган «Сумбула» ресторани ҳам Эшниёзовларга тегишли.

Элтуз манбаси 67-кўприкқурилиш отряди иш бошқарувчиси Нодир Эшниёзовнинг Яккасарой туманидаги кўприкнинг бешта тўсини қулашига олиб келган йирик ўғирликларга ҳам алоқаси борлигини ҳам иддао қилади.

Элтуз эса зўр тв журналистларини калтаклаган зўровон ва яккасаройда балкалари қулаган кўприк қурилиши атрофида кечаётган воқеаларни ёритишда давом этади. Видеоларимизга лайк босинг, обуна бўлинг.