Мирзиёев, амалдорларга 18 соатлик иш куни жорий қилди (видео)

Президент Мирзиёев, 27 апрел куни, Жиззах вилоятидаги мажлисда амалдорларни кунига 8 соат ўрнига, 18 соатдан ишлаши кераклигини тайинлади.

«Мен шахсан икки йилдан кейин баҳо бераман! Бу ким бу? Булар билан нима иш қила оламиз?», деди у.

Мирзиёевнинг сўзларига кўра, «теварагидагилар» ишонч қозонишлари учун икки йил давомида, «имкониятлари чегарасидан ҳам кўпроқ» ишлаб беришлари керак.

«Одамзод жуда ўзини яхши кўради, лекин амалда бўлган одамлар ўзини яхши кўришга ҳаққи йўқ.» дея изоҳлади президент мулозимларининг келажакдаги икки йиллик қисматини.

Бу каби экзекуцияга ҳақиқатан ҳам одамзоднинг чидашига кўзи етмаган рассом Элсевар амалдорларнинг икки йилдан кейинги ҳолатини тасвирлайди.

«Рахбарлар ўрнига роботлар тайинланса керак?» дея фараз қилади у.

Рассом Элсевар
Eltuz.com