saturday,
31 january 2026
15 july 2017
Рашид Шадат: Фильм тақиқланса, қайтанга унинг томошабини кўпаймайдими?
Лондонда яшовчи ўзбек актери, 42 ёш Рашид Шадат (Абдурашид Шодиев) Ўзбекистонда тақиққа учраган филмлар юзасидан Элтуз мухбирига интервью берди. Фото: Рашид Шадат «Мумиё» киносини суратга олиш жараёнида
12 июл куни Ахборот ва коммуникациялар агентлиги Ўзбекистонда тақиқланган 225 филм рўйҳатини эълон қилди.
Мамлакатга олиб кириш, нусха кўчириш ва тарқатиш тавсия қилинмайдиган бу филмларда, экспертлар комиссиясига кўра, зўровонлик ёки жинсий бузуқлик саҳналари акс этган.
«Томошабин ўзи танлаши керак қайси кинони кўришни» деди Шадат Элтуз мухбири билан суҳбатда.
2013 йили «Юрдузлар жангги» фильмида иштироки билан каръерасини бошлаган тошкентлик актер Рашид Шадат, бу йил ҳам иккита катта фильм – «Мўъжиза аёл» (Wonder woman), ва «Мумиё» (The Mummy) фильмларида иштирок этди.
Ўзбекистонда тақиқланган фильмлар рўйҳатига бу йил чиқарилган фильмлар кирмаган.
Канадада яшовчи журналист Улуғбек Ашурга кўра, айни «Мумиё» фильми қўрқинчли жанрда олингани учун ўзбек цензураси чекловига тушиши мумкин.
Шадатнинг Элтузга билдиришича, тақиқлаб, яна бу рўйхатини чиқариб қўйиш – филмларга катта бир рекламадай таъсир қилади.
Уларни бугунги кунда Интернетдан қидириб топиш, ўзбек ёшлари учун ҳеч қийинчилик туғдирмайди.
Видео: https://youtu.be/jL2BuKh_r-o
Eltuz.com