Вазирлик Facebook билан алоқа ўрната олмаяпти

Афтидан Ахборот технологиялари ва коммуникациясини ривожлантириш вазирлигидагиларнинг юмор ҳисси кучли.

Интернетдан тўсиб қўйилган, илгари VPNсиз кириб бўлмайдиган сайтларнинг ишлаб кетишини (кейин маълум бўлишича, қисқа муддатга) бузилиш дея аташди. Яъни, англашимизча, тармоқдаги узилиш.

Энди эса улар Facebook маъмурияти билан боғланишга ёрдам сўраб Ташқи ишлар вазирлигига мурожаат қилишмоқда.

Кимдир Марсдан сув, кимдир қўшни юлдузлар буржидан ҳаёт ахтаради, кимдир эса Facebook билан алоқа ўрнатмоқчи. Дарҳақиқат, дипломатлар ёрдамисиз буни қандай уддалаш мумкин?

Муҳими, нима учун? Унинг Ўзбекистонда ўз-ўзини тўсиб қўйиши сабабини сўраш учунми? Нега тўсатдан буни бошлашди?

Йўқ. Юмор ҳиссининг бўлгани яхши. Агар шундай туйғу бўлмаса, чироқларимизни ўчириб қўйсак ҳам бўлаверади. Ҳар ҳолда умид сўнгани йўқ.

Юлий Юсупов
Иқтисодий тараққиёт маркази директори фейсбук саҳифасидан

Рассом Туз
Eltuz.com