Vazirlik Facebook bilan aloqa o‘rnata olmayapti

Aftidan Axborot texnologiyalari va kommunikatsiyasini rivojlantirish vazirligidagilarning yumor hissi kuchli.

Internetdan to‘sib qo‘yilgan, ilgari VPNsiz kirib bo‘lmaydigan saytlarning ishlab ketishini (keyin ma'lum bo‘lishicha, qisqa muddatga) buzilish deya atashdi. Ya'ni, anglashimizcha, tarmoqdagi uzilish.

Endi esa ular Facebook ma'muriyati bilan bog‘lanishga yordam so‘rab Tashqi ishlar vazirligiga murojaat qilishmoqda.

Kimdir Marsdan suv, kimdir qo‘shni yulduzlar burjidan hayot axtaradi, kimdir esa Facebook bilan aloqa o‘rnatmoqchi. Darhaqiqat, diplomatlar yordamisiz buni qanday uddalash mumkin?

Muhimi, nima uchun? Uning O‘zbekistonda o‘z-o‘zini to‘sib qo‘yishi sababini so‘rash uchunmi? Nega to‘satdan buni boshlashdi?

Yo‘q. Yumor hissining bo‘lgani yaxshi. Agar shunday tuyg‘u bo‘lmasa, chiroqlarimizni o‘chirib qo‘ysak ham bo‘laveradi. Har holda umid so‘ngani yo‘q.

Yuliy Yusupov
Iqtisodiy taraqqiyot markazi direktori feysbuk sahifasidan

Rassom Tuz
Eltuz.com