«Буюк келажак» форумига Каримов даври мулозими Элёр Ғаниев бошчилик қилди

Тошкентда президент ҳузуридаги Давлат бошқаруви академиясида 5 февраль куни «Буюк келажак» ташкилоти ташаббуси билан «Ўзбекистан-2035» иккинчи халқаро форуми ўз ишини бошлади.

Расмий матбуот хабарларига кўра, «Буюк келажак» экспертлари Ўзбекистонни 2035 йилга қадар ривожлантиришнинг муҳим йўналишлари лойиҳасини тақдим қилишган.

Ўзбекистондан хорижга чиқиб кетган ватандошларни мамлакатдаги ислоҳотларга жалб қилиш мақсадида 2018 йилнинг 28 июнида ташкил этилган «Буюк келажак» ноҳукумат ташкилоти экспертлар кенгаши «Токиодан Сан-Францискогача бўлган ҳудудларда истиқомат қилувчи 155 нафар ватандош мутахассисни бирлаштиргани» иддао қилинган эди.

«Буюк келажак» ташкилотининг бу йилги тадбири 28 январь куни лавозимига қайта тикланган бош вазир ўринбосари Элёр Ғаниев раҳбарлиги остида ўтди.

Рассом Кирпи
Eltuz.com