Тошкент – босқинчига ҳайкал қўядиган шаҳар

Жорий йилнинг 21 апрель куни Тошкентнинг Камолон маҳалласида шаҳарни босиб олган рус ҳарбийларига хотирасига бунёд этилган бутхона қайта тикланиб, зиёрат учун очилди.

Воқеа тармоқдаги ўзбек сегментини жунбушга келтирди. Бир томон ёдгорликнинг тикланишини оқлашга уринаётган бўлса, иккинчи томон кескин қораламоқда.

Рассом Тузнинг мавзуга оид карикатураси қораламаси ва изоҳлари остида кўплаб бир-бирига қарама-қарши изоҳлар пайдо бўлди.

“Русларга атаб қурилган бутхонадан кӯра шу ҳайкални қуришсаям майли эди”, дея расмни изоҳлади Michael Michaelson исмли фейсбук юзери.

“Немислар Тошкентга бостириб келганида, ҳозир ҳайкали турган бўларди”, дея изоҳ ёзди Мирсаид Ҳайдаров исмли юзер.

Тармоқ фойдаланувчиларидан бири ҳатто шу ёдгорликни портлатганга 20 минг доллар беришни ваъда қилди.

Ёдгорликнинг тикланишини оқлашга уринганлар ҳам бўлди.

“Тошкентга янги туристларни элтиш учун нуқта, ғоя туризм вазирлигиники”, дея изоҳ ёзди Баҳром Ирзаев. 

 Туркиядан яшаётган ўзбек фаоли Ҳосият Собир айни воқеани миллий қадриятларнинг қораланиши дея баҳолади.

Айни воқеа билан деярли бир вақтнинг ўзида,  3 апрель куни Прагада совет ҳарбийси,  маршал Иван Коневга қўйилган ёдгорлик демонтаж қилинди. 

Бутхона 1886 йили Тошкентни босиб олиш чоғида ўлган 24 нафар рус ишғолчи аскари қабри устида тикланган. Айрим манбаларда таъмир учун Тошкент ҳокимлиги бюджетидан камида бир миллион АҚШ доллари сарфлангани билдирилган.

Ўзбекистон Маданият вазирлиги берган маълумотномада бутхонани таъмирлаш ишларини Тошкент шаҳри ҳокимлиги томонидан ёлланган “Ижод-ижод” хусусий корхонаси мутахассислари амалга оширгани, «Тошкент қувур заводи» ҳомийлик қилгани айтилади.

Маданият вазирлиги, шунингдек, мазкур объект Вазирлар Маҳкамасининг 2019 йил 4 октябрдаги қарорининг 1-иловасига мувофиқ Миллий рўйхатига киритилмаганини билдирган.

Eltuz.com