Ҳуқуқ фаоли қамоқдаги трансгендер Нигина билан учрашди

19 февраль куни ҳуқуқ фаоли Абдураҳмон Ташанов Ўзбекистон ИИВнинг 1-тергов изолятори (Тоштурма)да сақланаётган, Нигина исми билан танилган трансгендер Миршариф Зокиров билан учрашди.

Ҳуқуқ фаоли билан суҳбатда Зокиров унга туҳмат қилиниб, Жиноят кодексининг 131-моддаси (фоҳишахона сақлаш) бўйича қўшимча айблов қўйишмоқчи эканини билдирган.

Зокиров 2020 йил 1 январда Жиноят кодексининг 276-моддаси 1-қисми (товламачилик),  276-моддаси 1-қисми (гиёҳвандлик моддаларини сақлаш) билан айбланиб, 3 йилга қамалганди.

2020 йил сентябрда Зокировнинг Тошкент шаҳри ИИБ ертўласига олиб кетилгани,  у ерда беш нафар ички ишлар ходими унинг  сочларини олиб таҳқирлангани ва калтаклангани ҳақидаги хабарлар медиатармоқларда тарқалганди.

Ундан олдин трансгендернинг Shok.uz каналига берган интервьюси жамоатчилик ўртасида катта баҳс-мунозара кўтарган эди.

Юнусобод тумани ИИБнинг Зокировни таҳқирлаган 5 нафар ходимига эса ҳануз чора кўрилгани йўқ.

Eltuz.com