Cудланувчиларга берилмаган айблов хулосаси

Eltuz.com сайти, шу кунларда шов шуви Ўзбекистондан ташқарига чиқиб, дунё арманларини хам хавотирига сабаб бўлаётган “Жиззахлик фермер Арамаис Авакян иши” бўйича мухим хужжатни топди.

Бу 90 варақдан ортиқ бўлган Айблов хулосаси. Айблов хулосаси – тергов натижасида аниқланган ҳолатлар ва айб мазмуни баён этилган процессуал ҳужжат.

Айбланувчи ва унинг ҳимоячисини жиноят ишидаги барча материаллар билан таништириб бўлгач, терговчи, башарти ишни судга юбориш учун етарли асослар борлиги тўғрисидаги фикри ўзгармаган бўлса, Айблов хулосасини тузади.

Хулоса, танишиб чиқиб, имзолаш учун судланувчига берилади. Шунингдек, химоячига хам бу хужжат берилади. Химоячи орқали Айблов хулосасини судланувчиларнинг яқинлари хам олиб танишиб чиқишлари мумкин.

Лекин, “Арамаис Авакян иши”да бундай бўлмади. Судланувчиларга Айблов хулосасининг энг сўнгги вароғи имзолаш учунгина берилди.

Уларнинг адвокатлари хам токи суд мажлиси бошлаган кунга қадар бу мухим хужжатни терговчи ва прокурордан ололмадилар.

Жуда қаттиқ қўриқланаётган бу Айблов хулосасини Элтуз сайтининг манбаалари кўлга киритишга муваффақ бўлишди ва энди бу “ўта саводли ва малакали” терговчи томонидан тузилган бу хужжатни ўқувчилар диққатига хавола қилишди.

Тез кунларда Айблов хулосасининг рус тилидаги варианти хам шу ерга қўйилади.

Eltuz.com