Cudlanuvchilarga berilmagan ayblov xulosasi

Eltuz.com sayti, shu kunlarda shov shuvi O‘zbekistondan tashqariga chiqib, dunyo armanlarini xam xavotiriga sabab bo‘layotgan “Jizzaxlik fermer Aramais Avakyan ishi” bo‘yicha muxim xujjatni topdi.

Bu 90 varaqdan ortiq bo‘lgan Ayblov xulosasi. Ayblov xulosasi – tergov natijasida aniqlangan holatlar va ayb mazmuni bayon etilgan protsessual hujjat.

Ayblanuvchi va uning himoyachisini jinoyat ishidagi barcha materiallar bilan tanishtirib bo‘lgach, tergovchi, basharti ishni sudga yuborish uchun yetarli asoslar borligi to‘g‘risidagi fikri o‘zgarmagan bo‘lsa, Ayblov xulosasini tuzadi.

Xulosa, tanishib chiqib, imzolash uchun sudlanuvchiga beriladi. Shuningdek, ximoyachiga xam bu xujjat beriladi. Ximoyachi orqali Ayblov xulosasini sudlanuvchilarning yaqinlari xam olib tanishib chiqishlari mumkin.

Lekin, “Aramais Avakyan ishi”da bunday bo‘lmadi. Sudlanuvchilarga Ayblov xulosasining eng so‘nggi varog‘i imzolash uchungina berildi.

Ularning advokatlari xam toki sud majlisi boshlagan kunga qadar bu muxim xujjatni tergovchi va prokurordan ololmadilar.

Juda qattiq qo‘riqlanayotgan bu Ayblov xulosasini Eltuz saytining manbaalari ko‘lga kiritishga muvaffaq bo‘lishdi va endi bu “o‘ta savodli va malakali” tergovchi tomonidan tuzilgan bu xujjatni o‘quvchilar diqqatiga xavola qilishdi.

Tez kunlarda Ayblov xulosasining rus tilidagi varianti xam shu yerga qo‘yiladi.

Eltuz.com