Илонга ошиқ ўзбеклар

Яқинда ўзбек оммавий ахборот воситаларида АҚШ мулозими Илон Маскни нима кулдиргани ҳақида хабар тарқалди.

Гўёки Илон ака АҚШ пахта етиштирувчи ўзбек фермерларини молиялаштираётганини эшитиб кулиб юборган.

Ўзи нега кулувди бу илон?

Холат АҚШ меҳнат вазирининг Америка бюджети учун 350 миллион доллар иқтисод қилингани ҳақидаги ҳисоботи пайтида содир бўлди.

Ушбу маблағ турли мамлакатларда (фақат Ўзбекистонда эмас, буни кўплаб ўзбек ОАВ нотўғри тушунган) меҳнат шароитларини яхшилаш бўйича дастурларга ажратилган эди.

Илoн Маск раҳбарлик қиладиган департамент, Америка халқи бошқа давлатлардаги меҳнат шароитини яхшилаш учун 350 миллион доллар сарфлашга ҳожат йўқ, деган қарорга келиб, барча дастурларни бекор қилди.

Ушбу маблағдан 2 миллион доллар Америкадаги нодавлат ташкилотлар — Solidarity Center (Солидарлик Маркази) ва Center for International Private Enterprise (CIPE — Халқаро хусусий тадбиркорлик маркази)га Ўзбекистондаги пахта соҳасида меҳнат шароитларини яхшилаш учун ажратилган эди.

Ер юзидаги энг бой одам эса фермерлар меҳнат шароитини яхшилашдек «аҳмоқона» ишларга пул сарфлаш мумкинлигидан кулиб юборди.

Бу ақли жойида бўлмаган таряк хидлаб мажлисга кириб ўзига бино қўяадиган нарцисс шоввознинг (ёки у билмаслиги мумкин, аммо эҳтимол, шунчаки эътибор ҳам бермайди), айрим давлатлар ҳар йили кузда бутун мамлакатни меҳнат лагерига айлантиришидан хабари йўқ.

Бунда қишлоқ хўжалигига ҳеч қандай алоқаси бўлмаган одамлар мажбуран пахта теримига юбориларди — пахта етиштириш харажатларини камайтириш учун.

Грантнинг бекор қилинишига оид фикрлар орасида яна бир эътиборли жиҳатни кўрдим.

Кўпчилик ўзбек шарҳловчилар ажратилган маблағлар фойда келтиради, деганга ишонмайди.

Асосий изоҳлар “энди навбатдаги Лондондаги квартирани ким сотиб олади?” каби шаклда бўлди.

Бу ўзбекларнинг коррупцияни қандай қабул қилишини ва раҳбарларига бўлган муносабатини кўрсатади.

Одамлар халқаро лойиҳалардан келаётган пуллар адолатли ишлатилади, деб ишонмайди.

Ҳатто бундай фикрга қарши далил бўлмаса ҳам ишонишмайди.

Чунки улар бу мамлакатда яшашади ва атрофида гуллаб-яшнаётган коррупцияни ўз кўзлари билан кўришади.

Улар фақат захарли илонга ишонишади. Худди Маугли мультфильмидаги кўлвор илон гипноз қилган маймунлар каби.