КОСОНДАГИ ХУСУСИЙ БОҒЧАДА 2,5 ЁШЛИ ҚИЗАЛОҚ ВАФОТ ЭТДИ

Маълум бўлишича, ҳодиса 20 июн куни, Ушоқтепа маҳалласидаги Лола Ҳақназаровага тегишли хусусий боғчада содир бўлган.

2,5 ёшли Зарина Иззатиллаевани эрталаб Лола Ҳақназарова уйидан боғчага олиб кетган. Кўп ўтмай унинг яқинларига қизалоқнинг тоби бўлмай қолгани ҳақида хабар берилган.

Бола машинада қолиб, димланиб нобуд бўлгани айтилмоқда. Болаларни боғча раҳбари Лола Ҳақназарованинг ўзи ҳар куни Spark машинасида уйдан боғчага, боғчадан уйга ташиган.

Ўша куни ҳам Заринани боғчага у машинада олиб кетган. Қизнинг бувисига кўра, ўша пайт машинада 7-8 нафар бола бўлган.