KOSONDAGI XUSUSIY BOG‘ChADA 2,5 YoShLI QIZALOQ VAFOT ETDI

Ma'lum bo‘lishicha, hodisa 20 iyun kuni, Ushoqtepa mahallasidagi Lola Haqnazarovaga tegishli xususiy bog‘chada sodir bo‘lgan.

2,5 yoshli Zarina Izzatillaevani ertalab Lola Haqnazarova uyidan bog‘chaga olib ketgan. Ko‘p o‘tmay uning yaqinlariga qizaloqning tobi bo‘lmay qolgani haqida xabar berilgan.

Bola mashinada qolib, dimlanib nobud bo‘lgani aytilmoqda. Bolalarni bog‘cha rahbari Lola Haqnazarovaning o‘zi har kuni Spark mashinasida uydan bog‘chaga, bog‘chadan uyga tashigan.

O‘sha kuni ham Zarinani bog‘chaga u mashinada olib ketgan. Qizning buvisiga ko‘ra, o‘sha payt mashinada 7-8 nafar bola bo‘lgan.