Амишлар Ким?

Шовотликлар «эмиш» яъни она эмчагини эмиш сўзини «амиш» деб ишлатади. АҚШда эса «амишлар» – бу диний эътиқод боис юз йиллар олдин Германиядан қочиб келган секта. Амишлар ўз «саодат асрини» Амриқо ўрмонларида қуриб, «ўз шариатига» риоя қилиб, телефон, интернет каби тамаддун меваларидан ал ҳазар қилиб, яшаëтан патриархал жамоа. Гапнинг қисқаси дунëдаги қандай чўпчак мансублари бўлса, барига Америка она каби бағрини очиб, эмчак берган.

Сигирга топинадиган ҳиндилар, соч-соқолини олмайдиган сикхлар, роҳинжаю ўша роҳинжаларни ўз юртида ўлдириб лаззат оладиган норинж кийимли буддовий роҳиблар, расмга тушиш ва шанба куни ишлашни макруҳ деб билаган кокилли яҳудийлар, жаҳон подшоҳлигини ваъда қилган лохотрон черковларнинг бари Амриқода. Шу мардумлар қаторида хаëлида ИШИД форматини орзу қилган бизнинг ғофиллар ҳам беозор қумрилар каби ризқ териб юрибди. Амиш ва Америка сўзи бошидаги икки ҳарф ўхшаш бўлса ҳам, ҳаëт тафриқаларга тўла.

@uzrassomtuz