Каримов Ўзбекистонда коррупцияга қарши тўсиқ яратганми?

Тошкентда Коррупцияга қарши семинар бўлиб ўтгани ҳақида хабар берган ЎзА агентлигининг билдиришича тадбирда, «Президентимиз Ислом Каримов раҳнамолигида мамлакатимизда қонун устуворлиги таъминланаётгани коррупция йўлига тўсиқ бўлаётгани» айтилган.

Бироқ, Ўзбекистон Республикаси Бош прокуратураси, Миллий хавфсизлик хизмати, Ички ишлар вазирлиги, божхона хизмати ходимлари, профессор-ўқитувчилар иштирокида ўтган тадбирда «Трансперенс Интернешнл» рейтингига кўра 168 мамлакат ичидан 153 ўринни эгаллагани ҳақида ҳеч нарса дейилмайди.

Шунингдек, «коррупцияга қарши тўсиқ бўлаётган қонунлар раҳнамоси» Каримовнинг қизлари қандай қилиб Европанинг етакчи давлатлари ширкатлари рахбарларидан пора олгани ҳам айтилмайди.

Аксинча, мамлакатда «коррупциянинг олдини олиш ва унга қарши курашиш бўйича мустаҳкам ҳуқуқий база яратилган» дея иддао қиланади.

Айни тадбир ўтган ва мақола чоп этилган дамларда Ўзбекистон ҳукумати олий амалдорларининг, ҳусусан Каримов арзандаларининг Латвиядаги ҳаёти. Уларнинг бу ерда қимматбаҳо уйларни сотиб олишларига бағишланган, навбатдаги коррупцияга оид фильм пайдо бўлди.

Филмда Ўзбекистон президентининг набираси ҳам Латвияда туғилгани. Улар порага олинган миллионлаб долларларни Латвия банкларига яширишгани айтилади.

Eltuz.com