Наманганлик актёрлар қоронғу cаҳнада янги йилга тайёрланишмоқда

Қалин курткалар, қулоқчинлар кийиб, смартфон ёруғида турган бу одамлар – Наманган мусиқали драма актёрлари. «Элтуз»га ушбу суратни жўнатган мухлисга кўра, улар 17 декабрь куни театрнинг қоронғу ва совуқ залида бу йилги янги йил спектакли репетициясини қилишмоқда…

Театр жамоасига тезлик билан янги йил томошаларига тайёргарлик кўриш ҳақида «юқори»дан буйруқ бўлган. Лекин, расмда кўриниб турганидек, чироқ берилмаган, театр зали жуда совуқ.  

«Наманган театри ижодкорлари оғир аҳволда ишлашяпти. Театр гардеробдан бошланади, деган калима бугун Наманган театрига тааллуқли эмас», деди «Элтуз»га сурат муаллифи D.F.

Наманган давлат мусиқали драма театрига илк бор ҳаваскорлик жамоаси кўринишида 1931 йили асос солинган.

Ўтган йиллар давомида театр саҳнасига Чўлпоннинг «Ҳужум», К.Готсининг «Маликаи Турондот», Шиллернинг «Макр ва муҳаббат», Шекспирнинг «Қирол Лир набиралари» каби саҳна асарлари олиб чиқилган эди.

Eltuz.com