Бешариқ ҳокимининг зоологиядан дарси

Фарғона вилояти Бешариқ тумани ҳокими Расулжон Жўраевнинг ўз қўли остидагиларни сўкишлари акс этган аудио 16 ноябрь куни ижтимоий тармоқларда тарқалди.

«Ҳей, отни (жинсий органи. таҳр.)! … Хў-в, жалаблар! Бугунги кун ўтди, кечаги кунам ўтган. Яна учтами-тўрт кун қоляпти. Кейин ҳаво совиб кетса, одамларни қанақа бошқарасан? … Ҳей, ифлос… Мен пахтага ачинаяпман!» дейди Жўраев, жумладан, ўз «нутқи»да.

Ўзбекистонда ҳокимларнинг мажлисларда ўз қўли остидагиларни куракда турмайдиган сўзлар билан ҳақорат қилиши одатий ҳолга айланган.

Бундан илгари, «Элтуз» Фарғона вилоятининг собиқ ҳокими Шуҳрат Ғаниев, Андижон шаҳри ҳокими Дилмурод Раҳматуллаев, Паркент тумани ҳокими Неъматулла Абдуллаевнинг болахонадор сўкишларга тўла аудиолари чиққани ҳақида хабар берган эди.

2017 йилнинг сентябрида эса ижтимоий тармоқда Сайхунобод тумани ҳокими Носиржон Эгамбердиевнинг пахтага одам чиқармаган мактаб директорларини ҳақоратлаб, битталаб савалагани акс этган видео ҳам тарқалганди.

Eltuz.com