Украина мудофааси учун Белгия 1 миллиард евро ажратди

Белгия Украина учун кенг кўламли ёрдам пакетини эълон қилди.

Белгия Бош вазири Барт Де Вевер Украинага 1 миллиард евролик мудофаа ёрдами пакетини тақдим этишини айтди.

Бундан ташқари, унинг мамлакати мудофаа эҳтиёжлари учун ҳар йили Украинага бир миллиард евро ажратади.

Бундан бир ҳафта аввал Элтуз Швеция Киевга бир ярим миллиард евродан ортиқ миқдорда ҳарбий ёрдам ажратгани ҳақида хабар берган эди. Эслатиб ўтамиз, Украина армияси учун қурол аслаҳа сотиб олиш кўзланган бу ёрдам скандинавия мамлакатининг биринчи ва сўнгги ёрдами эмас. 

Европа давлатларининг Украинага ҳарбий ёрдамлари АҚШ президенти Трампнинг Украина ва Европага қарши молиявий шантажлари фонида кечмоқда. Унинг Россия президенти билан олиб бораётган тилёғлама келишувлари ва бож имтиёзлари ҳеч қандай самара бергани йўқ.