ГУЛИСТОНДА ПРОКУРОР ЎРИНБОСАРИ 10 МИНГ ДОЛЛАР ПОРА БИЛАН ҚЎЛГА ТУШДИ!

Кеча, 5 июл куни, Гулистон шаҳар прокуратураси ўринбосарларидан бири 10 минг доллар пора олаётганда ушланди. Бу навбатдаги “қўлга тушиш” ҳодисаси бўлиб, Ўзбекистонда прокуратура тизимидаги чуқур илдиз отган коррупцияни яна бир бор очиб ташлайди.

Аслида Бош прокуратурадан тортиб туман прокуратурасидаги оддий инспекторгача  “энг катта ўғри”лар ёки “энг маҳоратли коррупционер”лар ҳисобланади.

Факт керакми? Мана факт! Улар мунтазам равишда тезкор тадбирларда ушланяпти. Чунки бу тизимда ҳеч ким “мушугини офтобга текинга чиқармайди”. Қилган-қилмаган иши учун “отнинг калласидай” ойлик олиб, бошқаларни таҳдид қилиб: “Нима қилиб юрганингни биламан”, дейдиганлар кўп.

Энг қизиғи шундаки, ўзидан “фаришта” ясаган баъзи прокурорлар ўғрилик ва коррупция билан боғлиқ можаролар ортидан лавозимидан кетса ҳам, кейинчалик қайтадан тизимга қайтариляпти. Бу эса прокуратура тизимида ҳеч қандай ислоҳот ва тозалаш йўқлигини, ўзгаришлар фақат қоғозда эканини кўрсатади.

Ҳақиқат шуки, улар ўзларини коррупцияга қарши курашувчи деб ҳисоблайдиган коррупционерлардир.