GULISTONDA PROKUROR O‘RINBOSARI 10 MING DOLLAR PORA BILAN QO‘LGA TUShDI!

Kecha, 5 iyul kuni, Guliston shahar prokuraturasi o‘rinbosarlaridan biri 10 ming dollar pora olayotganda ushlandi. Bu navbatdagi “qo‘lga tushish” hodisasi bo‘lib, O‘zbekistonda prokuratura tizimidagi chuqur ildiz otgan korruptsiyani yana bir bor ochib tashlaydi.

Aslida Bosh prokuraturadan tortib tuman prokuraturasidagi oddiy inspektorgacha  “eng katta o‘g‘ri”lar yoki “eng mahoratli korruptsioner”lar hisoblanadi.

Fakt kerakmi? Mana fakt! Ular muntazam ravishda tezkor tadbirlarda ushlanyapti. Chunki bu tizimda hech kim “mushugini oftobga tekinga chiqarmaydi”. Qilgan-qilmagan ishi uchun “otning kallasiday” oylik olib, boshqalarni tahdid qilib: “Nima qilib yurganingni bilaman”, deydiganlar ko‘p.

Eng qizig‘i shundaki, o‘zidan “farishta” yasagan ba'zi prokurorlar o‘g‘rilik va korruptsiya bilan bog‘liq mojarolar ortidan lavozimidan ketsa ham, keyinchalik qaytadan tizimga qaytarilyapti. Bu esa prokuratura tizimida hech qanday islohot va tozalash yo‘qligini, o‘zgarishlar faqat qog‘ozda ekanini ko‘rsatadi.

Haqiqat shuki, ular o‘zlarini korruptsiyaga qarshi kurashuvchi deb hisoblaydigan korruptsionerlardir.